UGLASATAUGLASATAÆOGÓ!

Sæl verið þið og takk fyrir síðast! Loksins komst ég inná síðuna okkar eftir mikið basl á minni tölvu. Núna er ég að passa hjá Elsu og laumaðist í tölvuna hennar og pling, ekkert mál að komast inn þar. Skrýtið! Þarf að fara að bjóða Þórdísi í kaffi og vöfflur til að sjá hvort það virkar!Það sem helst er í familíufréttum er annars það að Ólafur tengdasonur er að spila í kvöld á Kjarvalsstöðum og þessvegna vantaði barnapíu. Elsa í miðasölunni eins og góðri eiginkonu sæmir og Hidda litla ein heima í Grundarlandskoti. Nú er hún loksins sofnuð svo það er hægt að Hlíðarvegspúkast aðeins.
Af Huldu er það að segja að hún og Max eru núna í Þýskalandi og verða líklega á faraldsfæti næstu vikuna eða tvær í Brussel og víðar, annars veit ég ekki alveg hvernig ferðaplanið er hjá þeim. Aftur á móti er Árni væntanlegur heim frá Arkansas um næstu helgi en fer sennilega samdægurs upp að Bifröst til að ljúka síðustu önninni. Það versta er að það ber uppá sömu helgi og einn góður Hlíðarvegspúki fyrir Westan ætlar að halda uppá merkisdag í lífi sínu.
Ugla sat á kvisti.....átti börn og missti.......Æ hversvegna þarf lífið að vera svona flókið!!!

Blessuð blíðan

Loksins tókst þetta, með Þórdísi tölvunörd í símanum þorði tölvuskrípið ekki annað en gegna
öllu því sem við sögðum henni. Ég veit ekki enn hvert síðasta bloggið mitt (verulega umfangsmikið og vandað)lenti en svo mikið er víst að ég hef ekki séð tangur né tetur af því.
Hvað um það, takk fyrir alla pistlana ,Höddi hálfsjö, Þórarinn Flosi , Gunnar Smári ,Kata og hin öll. Verulega gott að heyra frá ykkur og vita hvað er á döfinni . Ég er enn að vona að mínur afkomendur, aðrir en Þórdís, fari að láta til sín heyra.en þeim er greinilega ekki mikið niðri fyrir,enn sem komið er. Hér er mikil blessuð blíðan, 14 stiga hiti og sól og hefur verið undanfarna daga, svo prófaundirbúningur og æfingar er ekki endilega það sem mann langar mest til að gera
En sem betur fer hefur gestagangur verið talsverður síðastliðinn mánuð og því nóg annað að hugsa um. Höddi hálfsex og Magnea komu á páskunum með fjölskylduna, Einar Gylfa( sem hélt upp á tíu ára afmælið sitt heima hjá afa og ömmu á föstudaginn langa) og Mörtu Maríu sem er fimm ára. Þórdís og Björgvin komu líka með prins Benedikt, eins árs sjarmör, sem er frátekinn fyrir prinsessuna sem fæddist í Danaveldi fyrir skömmu. Það var því líf og fjör í kotinu Þá helgina. Á sumardaginn fyrsta komu svo Palli og Berglind með sín tvö börn Hálfdán Hörð og Matthildi Maríu og voru til sunnudags. Látum gott heita í bili , hver veit nema meira komi seinna, Ennþá sakna ég margra sem ég er viss um að eiga tölvur og netföng og mættu láta til sín heyra Kveðjur úr blessaðri blíðunni fyrir Westan. Ella

Gleðilegt sumar

Gleðilegt sumar frændur og frænkur nær og fjær

Þá er að reyna að koma með einhverjar fréttir af familíunni
Eins og pabbi og mamma skrifuðu um daginn þá er ég gift og á litla dúllu sem heitir Guðný Magnea ( alltaf kölluð Magga ) og er að verða tveggja ára í haust og maðurinn minn heitir Pétur. Við gifturm okkur í júní 2005. Við búum eins og er heima hjá mömmu og pabba á Háaleitisbrautinni í góðu yfirlæt þeirra og Magga litla nýtur þess í botn að hafa ömmu og afa til að gera óþekk ( sérstaklega afa ). Við erum búin að vera hjá þeim síðustu fjögur ár á meðan að ég var í skólanum en nú stefnum við á að fara að í okkar eigið húsnæði jarfnvel í haust eða eftir áramót.
Magga er í pössun hjá konunni sem að býr á fyrstu hæðinni hjá okkur ásamt tveimur öðrum börnum. En svo núna í ágúst þá mun hún byrja á leikskóla sem að er bara hérna við hliðana á okkur.

Ég útskrifaðist frá Fjölbrautarskólanum í Breiðholti síðast liðið vor sem sjúkaraliði og starfa sem slík í dag á Hrafnistu en ég hef reyndar verið að vinna þar síðasta 6 ½ ár. Pétur er að keyra hjá strætó með pabba gamla. Pétur á einn strák sem að heitir Bjarni og er að verða 13 ára og býr hjá mömmu sinni í Grafarvoginum.

Inga Stína og familí

Gleðilegt sumar!

Gleðilegt sumar allir Hlíðarvegspúkar.
Set hérna eina sparimynd af yngsta meðlimi Fagraholts 14 slektsins, hann var að hoppa í sófanum en tók sér smá pásu til að leyfa mömmu að taka mynd fyrir Hlíðarvegsbloggið.
Kveðjur úr Kórnum.
Þórdís

Kveðja frá Háaleitisbraut 45

Heil og sæl öll
Hér á Háaleitisbrautinni er gott að vera. Við höfum búið hér í rúm 2 ár og þessi tvö ár eru búin að vera frábær.

Í fjölskyldu okkar eru þrjú börn elst er Birna Lára, hún er snyrtifræðingur, og hún á tvo púka, Kjartan Inga fæddan á Ísafirði 1996 og Guðmund Flosa fæddan í Reykjavík 1997. Hún býr með Ríkarði Utley, strætisvagnabílstjóra. Ingibjörg Kristín, sjúkraliði, gift Pétri Gunnari Þór Árnasyni strætisvagnabílstjóri, þau eiga Guðnýju Magneu fædda í Reykjavík 2005. Valdimar Guðmundur er yngstur okkar barna, hann er með ólæknandi bíladellu svo það kom ekki á óvart þegar hann tók meiraprófið og starfar nú sem bílstjóri hjá Ölgerð Egils Skallagrímssonar. Einnig er hann í Leikfélagi Kópavogs og situr hann það í stjórn. Einnig sér hann um ljósahönnun hjá fleirum leikfélögum, nú síðast hjá Stúdentaleikhúsinu og er þar sýningarstjóri.

Flosi er enn að keyra strætó og Rannsý vinnur hjá Landsbankanum og við erum sjálfstæðir dreifingaraðilar Herbalife og erum að fara í boði þeirra til Danmerkur fyrstu helgina í maí. Ef þið viljið vera með okkur í þeim félagskap þá er pláss fyrir ykkur öll og fleiri til.

Kveðja
Flosi og Rannsý

Kveðja fra Vopnafirði

Komiði öll blessuð og sæl og gleðilega eftirpáska.

Gaman að sjá að líf er farið að færast í bloggmenningu ættarinnar, Höddi kominn inn og þau “gömlu” í Fagraholtinu. Ég vissi það að með þrjóskunni hefðist þetta allt, það er að segja ef þrjóskunni er beint í rétta átt. Þá er bara að reyna að virkja þá Edda, Flosa og Stebba inn í menninguna og að sjálfsögðu alla niðjana.

Af okkur er allt gott að frétta, að sjálfsögðu nýliðnir páskar með tilheyrandi áti og afslöppun. Eitt skyggði þó á páskaánægjuna, við vorum ein (snökt), engin börn eða barnabörn eða tengdabörn. Reyndum samt að gera gott úr öllu saman og vorum í daglegu og stundum oft á dag sambandi við þau öll. Reyndar þegar betur er að gáð þá vorum við ekki alveg ein því að Hreiðar og Anna (kærastan hans) komu í mat til okkar á annan í páskaeggi. Þau eru reyndar að fara til Benidorm 22. eða 23. þessa mánaðar, ætla sko að vera í heilar 4 vikur takk fyrir. Geri aðrir betur 79 ára og alveg að verða 80 ára gömul bæði tvö. Þetta kallar maður að njóta lífsins í botn. Verst að mér hefur ekki tekist ennþá að koma víndropa ofan í kallinn, hann hefur reyndar lofað mér því að á níræðisafmælinu sínu þá ætli hann að fá sér ærlega neðaníðí með mér.
Ég er reyndar líka að fara á erlenda grund, ætla að skreppa tíl Svíþjóðar og Danmerkur í vikutíma. Ætla að heimsækja æskuvin minn sem býr í Svíþjóð, verð þar í tvo daga, restina af ferðinni verð ég hins vegar hjá hálfbróður mínum honum Kára, strákurinn verður fimmtugur og þarf á handleiðslu sér eldri og reyndari bróður að halda. Þetta verður svona stráka ferð hjá mér, ég skil Stínu eftir í barnabarnaleik í Hveragerði á meðan. Hún er reyndar sjálf að fara 3. maí til Frakklands í tólf daga ferð með vinkonu sinni og mágkonu, það er svona kvennaferð á Bretagne skagann. Æðislega spennandi finnst þeim að sjáfsögðu. Þær koma til með að gista hjá ættingjum og vinum vinkonu hennar Stínu sem er frönsk og verður það sjálfsagt mikil upplifun.
Sem sagt, gleði gleði gleði......
Bestu kveðjur til ykkar allra., og verið nú dugleg að blogga og senda inn myndir.
Gunnar Smári og Stína á Vopnafirði,
sem er nú ekkert voðalega langt í burtu frá ykkur hvarsvosemþiðeruðniðurkomin.

Paskakveðjur

Hæ allir nær og fjær.

Ég vildi bara senda ykkur öllum Gleðilegar Páskakveðjur.
Hérna í Ameríkunni er ósköp lítið um páskafrí um hátíðarnar. Það er að vísu frí í skólanum Föstudaginn langa (sem er kallaður Good Friday hérna) en svo er það bara búið. Ég held að þetta "annar í páskum/jólum/hvítasunnu" sé mjög Íslenskt fyrirbæri. Allar búðir eru opnar alla dagana svo maður getur skellt sér í bíó eða í Mall-ið í miðjum páskamatnum.

Við erum svo heppin að vinkona mín frá íslandi er hjá okkur um páskana og ferjaði með sér ekta Íslensk súkkulaði páskaegg. Amerískir siðir eru dálítið skrýtnir í okkar augum. Við þurfum til dæmis að ákveða hvort við ætlum að reyna að ljúga því að börnunum að páskakanínan komi nóttina fyrir páska og feli plastegg full af nammi á víð og dreyf um garðinn.
Hinn möguleikinn er að allir hinir krakkarnir í götunni fái heimsókn frá þessari úrkynjuðu risavöxnu kanínu (sem verpir eggjum) en ekki Íslensku börnin.

Bestu kveðjur frá okkur í Dauðskinkubæ.
Kata