Smá leiðbeiningar

Svo virðist sem menn séu í vandræðum með að komast inn, ætla að setjast niður og semja leiðbeiningar um hvernig á að nota þetta tæki svo reynið að vera þolinmóð, ég reyni að drífa mig í þessu.
Menn ættu samt að geta skrifað í athugasemdir, merkja bara við anonymous og þá ætti að vera hægt að senda athugasemd, þá sé ég kannski hverjir eru að lesa þetta fleiri en þegar hafa skráð sig inn.
Kveðja
Þórdís

Til hamingju Hidda og Flosi !

Það eru fleiri afmæli í febrúar.
Ég vona að ég sé með rétta dagsetningu og ætla að taka áhættuna og óska Hiddu og Flosa til hamingju með afmælið í dag.

Bestu kveðjur frá Boston þar sem snjóar í augnablikinu, ósköp fallegt um að litast.
Kata

Til hamingju Sigga!

Hún Sigga okkar Þrastar á 45 ára afmæli í dag og er á ferðalagi erlendis. Heimilisfang dagsins er óþekkt fyrir okkur flest, en það kemur ekki í veg fyrir að við sendum henni kveðjur í tilefni dagsins.
Kæru Sigga og Lalli! Njótið dagsins í botn!
Knús og kveðjur,

Hidda og Herjolf

Profa að setja mynd

Mig langaði að prófa að setja inn mynd. Þessi er tekin í afmælinu hans Kára og vinir hans Garison og Ethan komu og nutu dagsins með honum. Ég kalla þá jarðaberja, vanillu og súkkulaði því þeir eru í öllum litum. Takið eftir að trukkastrákurinn minn valdi sér muffins með bleiku kremi. Það var reyndar Valentínusardagurinn daginn eftir svo það var mikið af bleikum kökum í búðinni.

Og þá er það ég...

Svona er nú staðan hjá okkur í dag.
Ég er að vinna hjá Kvos sem er móðurfyrirtæki Prentsmiðjunnar Odda, Kassagerðarinnar, Gutenberg og fleiri. Upphaflega var þetta bara Prentsmiðjan Oddi en ég brá mér í árs barneignarfrí og þá fóru stjórnendurnir yfir um og skiptu fyrirtækinu niður í nokkra hluta. Maður má ekki líta af þeim.
Björgvin vinnur hjá Marel og ferðast mikið um heiminn, hefur m.a. farið til Nýja Sjálands, Ástralíu, Ameríku og núna síðast Svíþjóðar. Hann hefur undanfarið verið í styttri ferðum en annars var hann í þrjár til fimm vikur í útlöndum.
Benedikt fæddist í okt 2005 og er alnafni föðurafa síns. Hann er mikið uppáhaldsbarn enda skapgóður með eindæmum og skemmtilegur. Líkist pabba sínum og afa sínum Einari í skapinu en er reyndar stundum þverari en #$%* og enginn virðist vita hvaðan það kemur. Mig grunar það þó en ég hef ekki hátt um það!
Honum þykir ryksugan skemmtilegust af öllu og stendur við þvottahúsdyrnar og gargar ef hann fær ekki sinn ryksugutíma. Hann er hjá æðislegri dagmömmu meðan ég er í vinnu en þar sem hún er að hætta í haust þá vona ég að hann komist inn á leikskólann þá.
Við erum að byggja okkur hús í Kópavoginum, alveg að klárast og vonandi flytjum við í næsta mánuði. Það verður breyting fyrir okkur sem alltaf höfum búið í smákytrum og núna í einu herbergi hjá foreldrum Björgvins í Grafarvoginum.
Fyrir þá sem vilja fylgjast nánar með framkvæmdum erum við með bloggsíðu undir http://fjallakor.blog.is/blog/fjallakor/ og síðan eru myndir hér: http://www.pjus.is/myndir/fjallakor/
Bestu kveðjur
Þórdís

Fríða skrifar

jæja, þetta gengur víst ekki... verð að viðurkenna það enn og aftur að ég
tilheyri ekki tölvuvæddu kynslóðinni... er sko ekki alin upp með henni
nema að mjög litlu leiti....of gömul eflaust !!
Af okkur hér er bara allt gott að frétta, lífið gengur sinn vanagang dag
eftir dag, viku eftir viku.... og reyndar ár eftir ár. Breytingar eru
eðlilega þær að allir eldast, flestir stækka og aðrir vonast bara til að
stækka.

Í eins stuttu máli og hægt er af börnunum, þá er þetta helst:
Magnús yngstur, 7 að verða 8 ára þann 22.nóvember, afskaplega duglegur og skemmtilegur strákur, bogmaður eins og þeir gerast bestir, fær alla til að brosa, hraustur og hress, er í 2. bekk í Álftamýrarskóla og æfir fótbolta með 7. flokki Fram, ætlar að verða fótboltastjarna þegar hann verður stór. Æfir líka fimleika með UMFKjalarness undir stjór Maríönnu elstu systur sinnar, fyrst og fremst til að liðka sig og hafa gaman.

Katrín 8 ára og alveg að verða 9 ára þann 17. mars. Er í 3. bekk,líka í Álftamýrarskóla og líkar vel, æfir fimleika með Ármanni og UMFKjalarness og er farin að læra á píanó.. svo nú hljóma kunnuleg lög um húsið. Yndisleg stelpa, hraust og hress með mikið jafnaðargeð. Ætlar að verða dýralæknir þegar hún verður stór, staðráðin í því enda mikil dýramanneskja, á páfagauk, hlut í hund hjá Siggu frænku á Ísafirði... sem er þar af leiðandi langbesta frænka hennar (af því að mamman getur ekki bætt hundi inn á heimilið enn sem komið er) á líka eitthvað í hestunum hans Halldórs afa af því að hún er svo dugleg að hjálpa honum í hesthúsinu, vonast til að eignast kettling, en bíður þolinmóð eftir að draumurinn um að eignast eigin hund rætist (það skal þá vera KingCharles)

Halldór Jón S. 10 ára og verður 11ára þann 12.júlí (var aðeins of seinn í heiminn til að ná afmælisdegi Jóns langafa) er í 5. bekk Álftamýrarskóla og gengur afskaplega vel, vel gerður strákur, skemmtilegur og duglegur auðvitað eins og öll hans ætt, æfir fótbolta með 5.flokki Fram, vill gjarnan æfa handbolta og fimleika líka... en þarf að velja.. er að læra á gítar og farinn að spila skemmtileg lög..love me tender og fleiri góð, ætlar að verða rafvirki þegar fótboltaferlinum líkur;)

Maríanna 17 ára að verða 18 ára í október, er alveg að ná hæð mömmu sinnar, (þarf reyndar ekki mikið til... er í Menntaskólanum Hraðbraut á hraðferð og klárar stúdentspróf í júní ef allt gengur upp (eigum svo sem ekki von á öðru) Er formaður skemmtinefndar í skólanum og leiðist það ekki, félagslynd og opin stelpa, stefnir á íþróttalýðháskóla í Danmörku næsta vetur svona til að fá meiri útrás fyrir íþróttaáhugann og leika sér eftir krefjandi skólasetu yfir skruddunum, að því loknu er óvísst hvað tekur við en Listaháskólinn er e-ð sem heillar, hönnun og myndlist
hugsanlega, annars sálfræði eða e-ð mannlegt.... aldrei að vita...þjálfar fimleika á Kjalarnesinu og tekur þátt í 10km hlaupum þegar tími er til..gengur gjarnan á fjöll og reynir að komast á skíði þegar er snjór.

Einar 19 ára og bráðum tvítugur eða þann 11.nóvemer!! ókvæntur og barnlaus og ætlar sko alls ekki að eiga fleiri en eitt barn...mesta lagi tvö... er yfirleitt góður og jákvæður við systkini sín,er í Menntaskólanum við Hamrahlíð og er ekki að flýta sér eins og systirin, góður strákur og ljúfur. vinnur á Dominos með skólanum, hefur mikið gaman af tölvuleikjum...spilar EVE online, á Porsche eins og fleiri í ættinni og "fílar það í tætlur"... finnst samt ekki eins gaman þegar bílinn bilar... líkar bara þokkalega vel á hótel mömmu,...óvísst hvað framtíðin ber í skauti sér....

Þórður maðurinn minn, vinnur á fasteignasölunni Akkúrat svo ef þið þurfið að selja eignir þá er langbest að snúa sér til hans auðvitað, er líka kominn í nám í Mannauðsstjórnun í HÍ og líkar það vel, krefjandi og tímafrekt en gaman, er reglulega í ræktinni enda meðvitaður um heilbrigðan lífsstíl eins og aðrir í fjölskyldunni, gengur gjarnan á fjöll og tekur alla með sem vilja, er líka nuddari og nuddar fjölskyldu og aðra sem óska eftir því þegar hann hefur tíma, þjálfar fótbolta á Kjalarnesinu.. er frábær faðir barna sinna

Og svo ég sjálf,bara eins og fyrr, reyni að láta hlutina ganga á heimilinu og vera börnum mínum góð fyrirmynd (tekst alls ekki alltaf) kenni íþróttir í Menntaskólanum í Reykjavík, kenni einnig 6 ára börnum í íþróttaskóla Álftamýrarskóla og Háteigsskóla, kenni konum á Kjalarnesi heilbrigðan lífsstíl með góðri hreyfingu, er "formaður" umfKjalarness og skipulegg íþróttastarfið þar, langar að bæta við mig master í lýðheilsu(gerist bara síðar).. ferðumst eins og kostur er með fjölskyldunni þegar tækifærin gefast, þá helst á fjöll eða fallega staði á landinu, er á leið til Búdapest í apríl með MR-ingum, finnst að sólarhringurinn ætti að vera lengri svo hægt sé að sinna áhugamálum..langar að dansa og syngja.... getur einhver sagt mér hvar maður finnur þennan frítíma... veit það eru danstímar hjá eldriborgurum...get alltaf huggað mig við það og hlakkað til!

Þessi rommsa dugar í bili, veit ekki hvort þið sjáið þetta og það verður þá bara að hafa það.... verið dugleg að skrifa fréttir, hittumst í vor ALLIR!!
b.kv.Fríða H

gaman að heyra frá ykkur Hidda og Kata!!

Hvar eru strákarnir í familíunni?

Það hefur verið virkilega skemmtilegt að heyra í ykkur öllum sem þegar hafa skrifað á bloggið okkar. Hver veit nema að þetta eigi nú eftir að stuðla að aðeins meiri samskiptum, jafnvel tíðari heimsóknum eða ættartreffum.
Ella Tóta Halldór og Flosi, eruð þið ekki ÖRUGGLEGA búin að láta öll börnin ykkar og barnabörnin vita? Og Gunnar Smári? Sem ekta Hlíðarvegspúki ert þú hér með gerður ábyrgur fyrir öllu þínu fólki, systkinum og þeirra fólki. Það þarf að senda Þórdísi bloggstjóra netpóstföng sem flestra svo þeir geti verið með. Og Stella Þú hlýtur að hafa netföng Flosa og Kristjáns og Jónu.
Svo viljum við heyra í strákunum líka! Gunnar Þorsteinn, ertu nokkuð dauður? Og Höddi og Palli? H A L L Ó !

Kveðjur í allar áttir, Hidda

Tilraun 2 frá Elsu pelsu

Sæl verið þið öll sömul nær og fjær, fædd og ófædd!
Voða er gaman að heyra að það sé alltaf að fjölga í fjölskyldunni. Innilega til hamingju Kata! Mikið eruð þið eitthvað orkumikil!!! Ég myndi nefnilega ekki meika það þriðja þótt lífið lægi við!!!

Í gær sat ég sveitt við tölvuna í 2 tíma við að skrifa bréf og senda inn myndir á þessa nýju og spennandi bloggsíðu en svo gerðist eitthvað og allt hvarf. Ég komst svo ekkert meir inn á neitt þannig að ég varð eitthvað pirruð og hætti. Þar lýsti ég hins vegar yfir ánægju minni yfir framtakinu, þakkaði Þórdísi í hástert, tók undir með Fríðu að við ættum endilega að fara að hittast og fleira og fleira. Svo kom svaka pistill um sitthvað sem við hér í Grundarlandinu erum að bardúsa, en ég nenni bara engan veginn að endurtaka allt saman þannig að þeir sem lesa verða bara að treysta á það að eitthvað slíkt slæðist með þegar ég skrifa í næstu skipti. Vonandi verða þau nú nokkur!

Ég er hins vegar að spá í að gera aðra tilraun með að setja inn mynd af litlu stelpunum mínum 2 og 1/2! Hver veit nema það takist í þetta sinn!

Meira seinna,
knús, Elsa

Er þetta ekki tilvalinn staður...

... til að segja alvöru fréttir?
Ég held að allir mínir nánustu séu búnir að frétta eftir aðeins persónulegri leiðum en núna kem ég þessu áleiðis til allra hinna.

Við eigum nefnilega von á barni númer þrjú !

Ef allt gengur eðlilega fyrir sig þá er áætlaður komutími í lok ágúst svo deigið er rétt að byrja að hefast. Þetta er aðalástæðan fyrir því að við verðum ekkert á ferðinni á Íslandi í sumar en planið er að koma um áramótin að sýna afkvæmið.

Kannski getum við stillt upp einhverjum hittingi þá.

Kveðja
Kata og krílið

Hidda skrifaði i "gamla" kerfið

Sem sannur Hlíðavegspúki vil ég byrja á að þakka Þórdísi Einars fyrir
framtakið og vona að sem flestir verði með í þessum spjallhring. Ég
er núna fyrst að sjá þetta og eiginlega veit ég ekki hvort ég er að
svara Kötu eingöngu eða hvort ég er að senda það fleirum. Allavega:
H'URRA FYRIR ÞORD'ISI!!
Það var gaman að lesa "langlokuna hennar kötu eins og hún valdi sjálf
að kalla bréfið sitt. Það lagði líka línuna fyrir okkur hin um hvernig
við eigum að hafa þetta. Hugsið ykkur hvað þetta verður skemmtilegt
ef allir taka þátt og senda inn smá fréttapistil af og til og jafnvel
myndir líka. Er það ekki hægt?
Það er samt ekki margt að frétta hjá okkur annað en það að Herjolf er
allur að hressast eftir veikindin undanfarna mánuði og hann þyngist
hægt og bítandi. Árni er í háskóla í Arkansas og kemur ekki heim fyrr
en í byrjun maí. Þá kemur hann heim til að klára síðustu önnina á
Bifröst og vinna að ba.ritgerðinni. Eftir það fer hann til Georgíu til
að sinna ástarmálum og ritgerðarmálum. Hulda er í mömmó úti í Lundi
og er alsæl með sína litlu Elínu Snæfríði Maximilliamsdóttur Conrad.
Elsukrílin, Guðrún og Hidda litla dafna líka vel og eru eins
yndislegar og allar ömmur geta best hugsað sér.
Vonast til að heyra í ykkur sem flestum, sérstaklega þeim sem sjaldan
heyrist frá. Ég skora til dæmis á Gunnar Smára að senda línu. Á ekki
Magga Gunnhildur annars þrítugsafmæli í dag? Jú ég held það bara og
óska henni að sjálfsögðu til hamingju með það. Og Jóna! Á hún ekki
líka afmæli? já og Sigga Þrastar eftir nokkra daga og kannske
eitthvað fleira gott fólk líka!!!
Já krakkar (púkar) mínir, bæði gamlir og ungir, verið með og sendið
línu!
Kærar kveðjur til allra!
Hidda

Kata skrifaði i "gamla" kerfið

Mikið er ég fegin að þetta virkaði !
Þá get ég byrjað með einhverjar fréttir af mér og mínum.
Við erum búin að vera hérna á Boston svæðinu í rúm 7 ár og verðum í 2 og hálft í viðbót. Núna búum við í bæ suðvestur af Boston sem heitir Dedham og er í ca 30 mín akstursfjarlægð frá borginni. Við keyptum lítil gamalt hús hérna og ætlum að halda okkur hérna þangað til við flytjum heim.
Ég er að vinna ca eina 12 tíma vakt í viku á almennri gjörgæsludeild á Boston Children´s Hospital. Þetta er mjög góð tilbreyting við að vera heima með krakkana alla vikuna og kennir mér að meta það hvað ég á það gott að eiga heilbrigð börn og geta eytt vikunni með þeim.
Tjörvi er búinn með sérnámið sitt en er að taka eitt ár í undirsérgrein sem er svæfing hjartasjúklinga. Vinudagurinn er oft langur, hann er farinn klukkan 5:30 á morgnanna og kemur sjaldnast heim fyrr en um 18-19 á kvöldin. Eftir að hann klárar það, í júlí á þessu ári, byrjar hann á tveggja ára prógrammi sem er sambland af
klínískri vinnu sem sérfræðingur, rannsóknarvinnu og tímasókn í því hvernig á að stjórna stórum rannsóknum. Planið er svo að hann geti stjórnað sínum eigin rannsóknum þegar við erum flutt heim svo hann verði ekki leiður á því að svæfa og vekja allan daginn.
Edda Brynja er orðin 10 ára gömul og er ósköp dugleg í skólanum og í fimleikum. Hún á stórann vinkonuhóp og það eru reglulega "sleep-over" og "play-dates". Hún er mjög hjálpsöm og góð við bróðir sinn. Kári Karl er nýorðinn þriggja ára og er líka í fimleikum. Hann er heima hjá mömmu sinni en byrjar í smá skóla í haust.
Allir eru við hestaheilsu og þess dagana erum við að halda á okkur hita í þessu kuldakasti sem við erum í núna.
kv
Kata

Friða skrifaði i "gamla" kerfið

Hæ,hó kæru frændsystkin nær og fjær
Takk Þórdís fyrir að koma þessu kerfi á! Ég er sjálf illa að mér í
svona tölvutækni en fagna þessu fyrirkomulagi og vona að mér takist að
senda póst. Þetta er því prufusending

Ég vil endilega að við skellum á "hittingi" með vorinu, eða í vor, við
frændsystkinin og gerum okkur glaðan dag. Fjölskyldur okkar stækka og
stækka og við fjarlægjum öll og það þykir mér miður. Þekkjum við öll
hvert annað?? Mér finnst að við ættum að gera það að reglu að hittast
árlega á einhverjum ársfjórðungnum, vorið finnst mér alltaf gott.

Hvað segið þið um það? endilega sendið netföng til Þórdísar og þá er
kominn nethópur b.kv.Fríða Halldórs.

(innskot frá ÞE, einhverra hluta vegna vill Makkinn ekki setja broddstafi í titilinn, laga það þegar ég nenni að ræsa lampavélina inni í herbergi! :o))

Þeir sem eru komnir inn:

Eru:
Fríða Halldórs *
Einar Halldórs
Gunnar Halldórs
Elsa
Hulda *
Hidda *
Ella
Alla
Höddi
Þórdís *
Palli
Gunnar
Kata *
Dagný *
Sigga *
Þórir
Gunnar Smári
Magga Gunnars Smára
Laufey hans Flosa

Þeir sem eru með stjörnu hafa skráð sig inn skv. google. Hinir eru áfram óskráðir þó ég hafi sent þeim póst, hugsanlega vegna þess að ég er með vitlaust netfang.
Kv
ÞE

Þetta ætti að verða auðveldara

Ætla að senda þetta á hina og sjá hvort þeir eigi ekki auðvelt með að pósta hérna. Lista svo hérna hverjir hafa fengið sent, tek fram að ég set engin netföng á síðuna sjálfa er að reyna að takmarka spam eins og hægt er.
Kveðja
ÞE

kata prufar

Ok sorrý Þórdís ég opnaði hinn póstinn fyrst. Núna sá ég auðvitað rétta linkinn og allt lítur vel út.

Ætla að prófa að senda....

Prufa

Ætla að athuga hvort auðveldara sé að tjá sig hér en á hinum staðnum.
Menn sem hafa réttindi (sem hafa fengið póst um það) eiga að geta smellt á "new post" efst í hægra horninu eftir að hafa loggað sig inn.
Sjáum hvort þetta gengur ekki betur.
ÞE

Prufa

Ætla að athuga hvort auðveldara sé að tjá sig hér en á hinum staðnum.
Menn sem hafa réttindi (sem hafa fengið póst um það) eiga að geta smellt á "new post" efst í hægra horninu eftir að hafa loggað sig inn.
Sjáum hvort þetta gengur ekki betur.
ÞE